မင်းကိုနိုင် – ပိုက်သာဂိုးရပ်စ် နဲ့ နှစ်ငါးဆယ်
(၆-၂-၂၀၁၃ ကမာရွတ်)
++++++++++++++++++++++++++
ကိုယ့်အလုပ်ကိုယ်လုပ်ကြဖို့ပါ…။
ကိုယ့်အလုပ်ကိုယ်မလုပ်ဘူးဆိုရင်တော့
ပြသနာတော်တော်ရှိပါတယ်…။
ဘယ်မှလည်း သွားလို့မရပါဘူး…။
ကျောင်းဆရာမတွေကို စစ်သင်တန်းတက်ခိုင်းတယ်…။
ဖေါင်ကြီးတို့ဘာတို့မှာ…။
သေနတ်ကိုင်..၊ မှောက်၊ မိချောင်းသွားသွား။
ပြီးတော့မှ ကျောင်းတွေပြန်ရောက်တဲ့အခါ
အဖြူအစိမ်း နဲ့ တာဝန်အနီလက်ပတ်ကြီးနဲ့ လုံခြုံရေးဆိုပြီး
ကလေးတွေကို လိုက်ချောင်းခိုင်းတယ်…။
အရံမီးသတ်တွေကို အပျိုတွေအိပ်ယာတွေ
လိုက်လှန်ခိုင်းတယ်။
ဧည့်စာရင်းစစ်တဲ့ ကြည့်စမ်း…။
မီးသတ်က ဧည့်စာရင်းစစ်၊
ကျောင်းဆရာမက လုံခြုံရေးယူ၊
စစ်ဗိုလ်တွေကကျတော့ လွှတ်တော်ထဲမှာ
ငုတ်တုတ်ကြီးဝင်ထိုင်လိုက်ပါတယ်…။
ပြီးပြီ…။
ဂရိနိုင်ငံမှာ အင်မတန်သန်စွမ်းပြီး ဗလကောင်းတဲ့
လက်ရုံးရည်အားကိုးတဲ့လူတစ်ယောက်
တကယ်ရှိခဲ့ပါတယ်…။
လက်ဝှေ့ထိုးတာသာ ဘ၀လို့ ထင်ထားပါတယ်…။
လူဖြစ်လာရခြင်းမှာ အသတ်အပုတ်
လက်ရုံးရည်နဲ့ အနိုင်ယူရတာဟာ
ဘ၀ရဲ့ အဓိပ္ပါယ်လို့ သူထင်ခဲ့ပါတယ်…။
ဘယ်အထိလည်း အသက်ငါးဆယ်အထိပါ…။
လက်ဝှေ့ရှိသမျှတန်းတွေ အနိမ့်တန်းကနေ
အမြင့်ဆုံးအတန်းအထိ သူတက်ထိုးတာ
ယှဉ်ပြိုင်မယ့်သူမရှိပဲနဲ့
ဗိုလ်တကာ့ဗိုလ် ဖြစ်သွားချိန်မှာ အသက်ငါးဆယ်ပါ…။
သူစဉ်းစားပါတယ်။
ဘ၀ဆိုတာဒါပဲလား…။
ဟိုမှာ ကျွန်တော်တို့ သီရိဓမ္မာသောကမင်းကြီး
ကာလင်္က စစ်ပွဲအပြီးမှာ
စဉ်းစားသလိုလည်း ဖြစ်ပါလိမ့်မယ်…။
သွေးချောင်းတွေ စီးပြီးတော့မှ
နောက်ဆုံးရလာတဲ့ အောင်ပွဲဆိုတာ ဒါပဲလား…။
အလောင်းတွေ ရုပ်ခန္ဓာတွေ ပျက်စီးနေတဲ့
တစပြင် အလောင်းပြင်
သင်္ချိုင်းလိုတိုင်းပြည်ကိုရလိုက်တာဟာ
အောင်ပွဲလား စဉ်းစားသလိုပါပဲ…။
စစ်နဲ့ ဖြေရှင်းရုံနဲ့ ပြီးသလား…။
လက်ရုံးရည် နဲ့ ရှင်းမှ ရသလား…။
လူသားရဲ့ ဘ၀ဟာ လက်ရုံးရည်သမား
အသတ်အပုတ်တော်လှချည်ရဲ့၊
ဗလကောင်းလှချည်ရဲ့ဆိုပြီးတော့ ပြီးသလား…
သူစဉ်းစားတဲ့အခါမှာ…
နောက်ဆုံး
အသက် ငါးဆယ် ပြည့်မှ စာစပြီးတော့ သင်ပါတယ်…။
ဒါပေမယ့် သူ့ရဲ့ထူးချွန်ထက်မြက်မှုကြောင့်
သူဟာ သမိုင်းမှာ မှတ်တမ်းတင်ရတဲ့
သင်္ချာပညာရှင် ဒသနိကဗေဒပညာရှင် ပိုက်သဂိုးရပ်စ်
ဖြစ်လာပါတယ်…။
အဲဒီ ပိုက်သဂိုးရပ်စ် ဟာ
အသက်ငါးဆယ်မှာ မှ ပညာရဲ့တန်ဘိုးကိုသိပြီးတော့
ပြောင်းလဲလိုက်တာ
ကမ္ဘာကြီးတစ်ခုလုံးရဲ့ ပညာရှင်အဖြစ်
ကောင်းသောအမွေကိုပေးခဲ့ပါတယ်…။
ကျွန်တော်တို့ဆီမှာ ၁၉၆၂ ကနေ
စပြီးတော့ အာဏာသိမ်းခဲ့တဲ့ ဗလကြီးတွေ ခင်ဗျာ…။
အနှစ်ငါးဆယ်ပြည့်ပါပြီ…။
၂၀၁၂ မှာ…။
ခင်ဗျားတို့လည်း ပိုက်သဂိုးရပ်စ်လို
ပညာကို တန်ဘိုးထားတဲ့လူတွေ ဖြစ်ပါစေလို့
ဆုတောင်းပါတယ်…။
ကျေးဇူးတင်ပါတယ်ခင်ဗျာ…။
(မင်းကိုနိုင်)
No comments:
Post a Comment