၈၈ ကာလအတွင်း တိုက်ပွဲ

ပြောကြလျှင် ၈၈ အရေးအခင်းကာလမှာ လက်နက်မဲ့ပြည်သူကို လက်နက်ကိုင်တပ်ဖြင့် ခြေမှုန်းဖြိုခွဲခဲ့သည် ဖြစ်သောကြောင့် ၈၈ခုနှစ် စစ်ပွဲများဟုဆိုလျှင် စောဒကတက်လိုသူများ ရှိကောင်းရှိပေမည်။
-
ပြောရလျှင် ၈၈ ကာလအတွင်း တိုက်ပွဲပုံစံ ၃မျိုးကွဲပြားသည့် စစ်ပွဲများ တပြိုင်နက်တည်း ဖြစ်ပွါးခဲ့သည်။
ပထမတမျိုးမှာ လက်နက်မဲ့ပြည်သူကို လက်နက်ကိုင်တပ်ဖြင့် အနိုင်အထက်ပြုမှုကို ဒူးမထောက် လက်မမြောက် နိုင်ငံရေးအရ အံတုကာ ရေရှည်တိုက်ပွဲဝင်ခဲ့ကြသည့် စစ်ပွဲဖြစ်သည်။ ဒုတိယအမျိုးမှာ အစိုးရတပ်မတော်နှင့် တိုင်းရင်းသား လက်နက်ကိုင်တပ်များ လက်နက်ကိုင်တပ်ခြင်း တိုက်ကြသည့် စစ်ပွဲများဖြစ်ပြီး တတိယတိုက်ပွဲပုံစံမှာ ယုတ်မာအောက်တန်းကျစွာဖြင့် ဆေးဝါးသုံးကာ လူစိတ်ပျောက်အောင် လှုံ့ဆော်ခိုင်းစေခံရသူများအား အများပြည်သူ ထိခိုက်စေရန် အဆိပ်ခတ်စေခြင်း မီးရှို့ မီးကွင်းပစ်စေခြင်းများနှင့် ဩဂုတ်လ ၂၆ ရက် ဟန်ပြ ထောင်ဆူပူ မီးရှို့မှုကြီးပြုကာ အင်းစိန်ထောင်မှ ရာဇ၀တ် အကျဉ်းသား၊ အချုပ်သား ၁၀ဝ၀ဝ ကျော်ကို လွတ်ထုတ်လိုက်ခြင်းဖြင့် မြို့ရွာဆူပူအောင် ဖန်တီးကာ အပြစ်မဲ့ အရပ်သား လူ့အဖွဲ့အစည်းနှင့် နိုင်ငံအပေါ် အရက်စက်ဆုံး၊ အကောက်ကျစ်ဆုံး၊ အယုတ်မာဆုံး ဆိုက်ဝါးခေါ် စစ်ပွဲတခုကို ဖန်တီးခဲ့သည်။
-
ဩဂုတ်လ ၂၅/၂၆ မှ ဩဂုတ်လ ၃၁ ရက်အတွင်း ဤကိစ္စများ ဖြစ်ခဲ့ကြောင်း သတင်းစာ မှတ်တမ်းများရှိပါသည်။ ထိုရက်ပိုင်း ကာလအတွင်း ဒီမိုကရေစီ တောင်းဆိုသူများ၏ စနစ်တကျ ချီတက် ဆန္ဒပြပွဲ များသာ ရှိခဲ့သည်။ လူသတ်ခေါင်းဖြတ်၊ ဂိုဒေါင်ဖောက်၊ မီးရှို့သည့်ကိစ္စများ မဖြစ်သေးပါ။ အာဏာရှင်နှင့် လက်ပါးစေတစုတို့ ဖန်တီးသော မင်းမဲ့စစ်ပွဲဖြစ်သည်။
-
၁၄ရက် ၉လ ၈၈မှ ၃၀ရက်၉လ ၈၈အထိ ရှမ်းပြည်နယ် မိုင်းယန်းမြို့တွင် ဗမာပြည် ကွန်မြူနစ်ပါတီတပ်များနှင့် အစိုးရတပ်မတော်တို့ တိုက်ပွဲ ပြင်းထန်စွာဖြစ်ပွါးခဲ့ရာ မိမိဘက်မှ အရာရှိစစ်သည် ၁၂၄ယောက် ကျဆုံးခဲ့ကြောင်း န၀တမှကြေညာခဲ့သည်။
၂၆။၉။၈၈တွင် န၀တမှ မဲသဝေါထိုးစစ် စတင်ဟု ရက်စွဲမှတ်တမ်းများတွင် ဖေါ်ပြသည်။
-
ထိုစစ်ပွဲအားလုံးသည် အာဏာရှင် ဗိုလ်ချုပ်ကြီးနေ၀င်းအပေါ် တာဝန်ရှိကာ အစိုးရတပ်မတော်သားများအပါအ၀င် လက်နက်ကိုင်တိုင်းရင်းသား လက်နက်မကိုင်တိုင်းရင်းသားများ ကျောင်းသား အစိုးရ၀န်ထမ်း သာမန်ပြည်သူ အားလုံးမှာ နစ်နာသူ ဓါးစာခံများဖြစ်ကာ ကျိုးကန်း ပဲ့ပြတ်သူ အသက်ဆုံးသူ စီးပွါးပျက်သူ ဘ၀ဆုံးသူများ ဖြစ်ခဲ့ရပါသည်။
-
၈၈ အရေးအခင်း နောက်ခံဖြစ်ရပ်များအကျဉ်းအားဖြင့်
ဗိုလ်ချုပ်ကြီးနေ၀င်း၏ ၁၉၆၂ ခုနှစ်မှစတင်ကာ ၁၉၈၈ ခုနှစ်အရေးအခင်းမတိုင်မှီထိ အုပ်ချုပ်ခဲ့စဉ် ကာလ အတွင်း တိုင်းပြည်တွင် အကြွေး အမေရိကန်ဒေါ်လာ သန်း ၃၅၀၀ ခန့်ရှိခဲ့သည်။ နိုင်ငံတော်အရံ ငွေကြေး မှာလည်း ဒေါ်လာ သန်း ၂၀ မှ ၃၅ သန်းအထိသာ ရှိခဲ့သည်။ ၁၉၈၇ ခု စက်တင်ဘာလ ၅ရက်နေ့တွင် သုံးစွဲနေသော ၇၅ကျပ်တန်၊၃၅ကျပ်တန်နှင့် ၂၅ကျပ်တန် ငွေစက္ကူများအားဖျက်သိမ်းခဲ့သည့်အတွက် ရန်ကုန် စက်မှု တက္ကသိုလ်ကျောင်းသားများ မှ စတင်ကာ ဆန္ဒပြမှုများစတင်ဖြစ်ပေါ်လာသည်။ ထိုအတောအတွင်း ဖြစ်ရပ်များမှာ အနည်းနှင့်အများသိကြပြီးဖြစ်သဖြင့် အကြယ်တ၀င့် မပြောတော့ပါ။
-
မေ ၁၆ရက်နေ့ တစ်ပါတီအာဏာရှင်စနစ် ဖျက်သိမ်းရန်တောင်းဆိုသော ကျောင်းသားထု ချီတက် ဆန္ဒပြပွဲအား အင်းယားကန်ရှေ့တွင် စစ်သားများထံဦးတည်ချီတက်နေစဉ် နောက်ပိုင်းမှ လုံထိန်းရဲများက တုတ်နှင့်ရိုက်သတ်ခြင်း၊ မုဒိန်း ကျင့်ခြင်းများပြုလုပ်ခဲ့ကြသည်ဟုသတင်းများထွက်ပေါ်လာသည်အထိ ရက်စက်စွာ နှိမ်နင်းဖြိုခွဲခဲ့ကြပါသည်။
ဆန္ဒပြမှုများပိုမိုအရှိန်ရလာပြီး တပ်မတော်တွင်းမှပင် ဆန့်ကျင်မှုများဖြစ်ပေါ်လာသည်ကိုတွေ့ ရပါသည်။
-
၁၉၈၈ ခု ဇွန်လလယ်တွင်မူ လူအုပ်ကြီးများဖြင့် ဆန္ဒပြမှုများမှာ ရန်ကုန်အပါအ၀င် မြို့ကြီးများတွင် နေ့စဉ် မြင်တွေ့ လာခဲ့ရပါသည်။ ပဲခူး၊ မန္တလေး၊ ထားဝယ်၊ တောင်ငူ၊ စစ်တွေ၊ ပခုက္ကူ၊ မြိတ်၊ မင်းဘူး နှင့် မြစ်ကြီးနားတို့ တွင် စံတင် လောက်သောဖြစ်စဉ်များဖြစ်ခဲ့ပါသည်။ ပါတီစုံဒီမိုကရေစီ စနစ်ထူထောင်ရန်တောင်းဆိုလာခဲ့ကြပါသည်။
ထိုသည်မှာ စစ်အာဏာရှင်ကြောင့်ဖြစ်ခဲ့ရသော ရှစ်လေးလုံးအရေးအခင်းဖြစ်သည်။

ထိုအရေးအခင်းကို “ တပ်မတော် ဆိုတာ သေနတ်ကိုမိုးပေါ်ထောင်ပစ် မှာမဟုတ်ဘူး၊ ထိအောင်ပစ်မှာ” ဟူသော
သူ့စကားအတိုင်း လက်နက်မဲ့ကို လက်နက်ကိုင်တပ်သုံးကာ စစ်ပြုခဲ့သော မြို့ပေါ်မှ စစ်ပွဲများဖြစ်သည်။
-
တိုင်းရင်းသားဒေသများမှစစ်ပွဲများသည်လည်း တိုင်းရင်းသား ပြည်သူ တရပ်လုံးရဲ့ ဒီမိုကရက်တစ် အခွင့်အရေးတွေ ဆုံးရှုံး လာမှုနဲ့ တိုင်းရင်းသားတွေ အပေါ် လူမျိုးရေး ခွဲခြား ဖိနှိပ်မှု တွေကြောင့် ဗိုလ်ချုပ်ကြီး နေဝင်း ဦးဆောင်တဲ့ တော်လှန်ရေး ကောင်စီကို လက်နက်ကိုင် ဆန့်ကျင်တဲ့ အဖွဲ့အစည်းတွေ တဖွဲ့ပြီး တဖွဲ့ ပေါ်ပေါက် လာရသည်။ လက်နက်ကိုင် တော်လှန်ရေး အဖွဲ့အစည်း မရှိတဲ့ တိုင်းရင်းသား လူမျိုးရယ်လို့ မရှိလောက် အောင်ကို တိုင်းရင်းသား တော်လှန် ပုန်ကန်မှုတွေ ဖြစ်ပွား ခဲ့ရတယ်။
၁၉၇၅ ခု၊ မေလ ၂၇ ရက်နေ့မှာ နေဝင်း ဦးဆောင်တဲ့ မဆလ ပါတီ အုပ်စိုးမှုကို လက်နက်ကိုင် ပူးပေါင်း တော်လှန် ပုန်ကန်ရန် ကရင် (ကေအဲန်ယူ)၊ ကရင်နီ (ကေအဲန်ပီပီ)၊ ကချင် (ကေအိုင်အို)၊ ရှမ်း (အက်စ်အက်စ်ပီပီ)၊ ပလောင် (ပီအက်စ်အယ်လ်အေ)၊ ပအို့ဝ် (ပီအဲန်အို)၊ မွန် (အဲန်အမ်အက်စ်ပီ)၊ ဝ (ဒဗလျူအဲန်အို)နဲ့ ရခိုင် (အေအယ်လ်ပီ) တိုင်းရင်းသား လက်နက်ကိုင် အဖွဲ့တွေ ပူးပေါင်းပြီး အမျိုးသား ဒီမိုကရေစီ တပ်ပေါင်းစု (National Democratic Front, NDF) ကို ဖွဲ့စည်း လိုက်ကြသည်။
-
၂၆။၉။၈၈တွင် န၀တမှ မဲသဝေါထိုးစစ် စတင်ဟု ရက်စွဲမှတ်တမ်းများတွင် ဖေါ်ပြကြသော်လည်း စင်စစ် ကေအန်းန်ယူတို့၏ကာလရှည်ကြာစွာ ပြင်ဆင်ခဲ့သော သံလွင်နောက်ခြမ်းဒေသ နယ်မြေ ရရှိရေး ထိုးစစ်ပြုသည့် စစ်ဆင်ရေးကြီးဖြစ်သည်။
-
မြန်မာ့ စီးပွားရေးဟာ စစ်တပ်က ပြည်သူပိုင် အမည်ခံ သိမ်းပိုက် ခဲ့ပြီးနောက် ဦးဆောင်သူ စစ်တပ် အရာရှိ တွေရဲ့ အကျင့်ပျက် လာဘ်စားမှု၊ စီးပွားရေး နားလည် တတ်ကျွမ်းမှု မရှိမှုနဲ့ အလွဲလွဲ အချော်ချော် စီမံ ခန့်ခွဲမှု တွေကြောင့်၊ နိုင်ငံဟာ သူတောင်းစား နိုင်ငံ (LDC, Least Development Country) စာရင်း ဝင်ခဲ့ရ သည်။
မီးဖိုသုံး ဆီဆားသကြားကစ အိုးခွက်ပန်းကန် အ၀တ်အထည် ဆေးဝါး အစစ ဘာတခုမှ မထုတ်လုပ်နိုင်သဖြင့် အိမ်နီးခြင်းနိုင်ငံများမှ မှောင်ခိုကုန်သွယ်မှု ဖြစ်လာရသည်။
-
အနောက်ဖက်နှင့် အနောက်မြောက်အပေါက်မှ ကော့ဘဇား မိုရေးတမူး၊ အရှေ့မြောက်တွင် မူဆယ်နမ့်ခမ်းလမ်းမှ တရုတ်နယ်စပ်၊ အရှေ့နှင့်အရှေ့တောင်တွင် ထိုင်းနယ်စပ်မြို့များနှင့် မှောင်ခိုဖေါက်ကားရသည်။
ဇီးစေ့အတွင်းမှအဆံကစ ဆင်တကောင်လုံးအထိ မှောင်ခို ထုတ်ကာ လူသုံးကုန် ပစ္စည်းများ မှောင်ခိုသွင်းရသည်။
တိုင်းပြည်အတွက် ၀င်ငွေ အခွန်အကောက် တပြားတချပ်မရသော်လည်း နယ်စပ်ဖြတ်ကျော်ရသည့်အတွက် တိုင်းရင်းသားဒေသများမှ လက်နက်ကိုင် တော်လှန်ရေး အဖွဲ့အစည်းများကို အခွန်ပေးရသည်။
-
၁၉၈၃ခု ကေအန်းန်ယူ စီးပွားရေးဝန်ကြီး Pu Ler Wah ၏ ၀င်ငွေ အကောက်စာရင်းအရ အမေရိကန်ဒေါ်လာ ၇၅သန်းဝင်ငွေရှိသည်။ ဒါကဌာနချုပ်ကိုရောက်သော စာရင်းဖြစ်သည်။ အကောာက်ဂိတ်တာဝန်ခံအဆင်ဆင့် လိုသလောက်သုံးထားသော စားရိတ် နှုတ်ပီးသားဖြစ်သည်။
-
အခြားသော သစ်လုပ်ငန်း သတ္တုမိုင်းလုပ်ငန်းများမှလဲ ၀င်ငွေ အမြောက်အများရှိသေးသည်။ သစ်ထုတ်လုပ်သည့်ဧရိယာ ၁၈,၈၀၀ စတုရန်းကီလိုမီတာကို ထိန်းချုပ်ထားသော ကေအန်းန်ယူ သစ်တောအရာရှိ ၄၆၀မှာ တာဝန်ထမ်းဆောင်နေသော တာဝန်ခံငယ်များဖြစ်သည်။
၁၉၈၀မှ ၁၉၉၄ ကာလအတွင်း သစ် တစ်-ကုဗမီတာအတွက် ၀င်ငွေ အမေရိကန်ဒေါ်လာ ၄၀မှ ၈၀ ရရှိသည်။
-
ဇီးစေ့မှ ဆင်အထိ ထုတ်လာသော မောင်ခိုကုန်များတွင် မိုးကုတ် ရတနာမြေထွက် ပတ္တမြား၊ နီလာ၊ အညံ့ပန်းနှင့် ပြောင်ခေါင်းစိမ်း ကျောက်တွေ ကချင်က ကျောက်စိမ်းတွေပါသည်။ ကေအန်းန်ယူနယ်မှ သူတို့နိုင်ငံထဲ တရားမဝင် လာကြတဲ့ ကုန်သည်တွေကို ဘယ်တော့မှ မဖမ်းဘူး။ဖထီးထောက်ခံချက်ဖြင့် ယာယီ သွားလာခွင့် လက်မှတ်တောင် ထုတ်ပေးကြသေးတယ်။
သူတို့ ဝယ်ရတဲ့ကျောက်က အခွန်လွတ် ထွက်လာတဲ့ကျောက်။ နောက် ... သူတို့က သူတို့ဝယ်တဲ့ မြန်မာကျောက်ကို သူတို့ နိုင်ငံမှ တစ်ဆင့် တရားဝင် ပြည်ပကို ပြန်ရောင်းကြတာ။ အဲဒီလို ပြန်ရောင်းတဲ့ အခါမှာလည်း သူတို့ နိုင်ငံတော် အစိုးရက ပြည်ပပို့ကုန် အခွန်အနေ နဲ့ ငွေထပ်ရပြန်တာပေါ့ခင်ဗျား။
မြန်မာအစိုးရက တစ်ပြားမှမရဘဲ သူတို့ အစိုးရကတော့ နှစ်ခါစားပေါ့ ခင်ဗျား။
ဗမာအစိုးရကတော့ မိအေး၂ခါမက အပြန်ပြန် ရှေ့ရောနောက်ပါနာသည်။
ထိုအခါ ကေအန်းန်ယူအနေနှင့် ဘန်ပါအခိုင်အမာ ရုံးအဆောက်အဦးများလူနေအဆောက်အဦးများ နှင့် ခံစစ်သေကိုတည်ဆောက်ကာ ဖိုးဝှီးကား တ၀ီဝီနှင့် ဖြစ်နေတော့သည်။
-
ထိုင်းနိုင်ငံသား ကေအန်းန်ယူနယ်မြေအတွင်း သစ်-သတ္တု လုပ်သူများမှာ ထိုင်းစစ်ဖက်နှင့်နီးစပ်သူများ ဗိုလ်ချုပ်ဟောင်းများ စစ်ဖက်လက်ရှိတာဝန်ထမ်းနေသူများဖြစ်သည့်အပြင် ထိုကာလက ထိုင်းအစိုးရ၏ နယ်စပ်ရေးရာ ပေါ်လစီအရ ဗမာစစ်တပ်နှင် ထိပ်တိုက်မတွေ့ရအောင် ကြားခံ(ဘာဖါ) ထားသော ပေါ်လစီဖြစ်သောကြောင့် ကေအန်းန်ယူအတွက် လက်နက် ရိက္ခာလမ်းကြောင်းမှာ တရားဝင်နီးပါး အဆင်ပြေလျက်ရှိသည်။
ထိုင်းစစ်ဒေသများမှ လေ့ကျင့်ရေး စါရင်းပျောက်ခဲယမ်းမီးကျောက်များ ရနိုင်သည့်ပြင် ဗီယက်နမ် ကမ်ပူခြားနယ်စပ်မှ စစ်ကျန်လက်နက်များ စိတ်တိုင်းကျ ရနိုင်သည်။
စစ်ဝတ် အသုံးအဆောင်မှသည် ဆီစိမ် စက္ကူပတ် လက်နက်ငယ်များ စက်လတ် စက်ကြီး ၁၂၀မမအထိ လိုတာလိုသလောက်ရသည်။ ထိုင်းဗိုလ်ချုပ်များအမည်ခံကာ ၀ယ်ပေးထားသော ကေအန်းန်ယူပိုင်ကားများ ထိုင်းတနိုင်ငံလုံး သွားလာနိုင်သည်။
-
မဆလအစိုးရမှာက စစ်စရိတ် အလုံအလောက်မရှိ။ သိပ်မထွားလာအောင် တခါတရံ ထိုးစစ်ဖေါ်ပြီး တပ်မတော်သားတို့ သွေး အသက် ခြေလက်အင်္ဂါတို့နှင့် စီးရိုးကာထားရုံသာတတ်နိုင်သည်။
ထိုကာလကဆိုလျှင် သံလွင်အနောက်ခြမ်းကိုမကျော်လာနိုင်အောင် နယ်စပ်တစ်လျောက်ရှိ ကေအန်းန်ယူ စခန်းများအား တပ်မ(၄၄)နှင့် တပ်မ(၆၆) ကရင်ဆိုင်ထိန်းချုပ်ထားလျက်ရှိသည်။
၂၈-၁၀-၈၇ ကေအန်းန်ယူဗဟို စစ်ရေးနိုင်ငံရေး အရေးပေါ်စီးဝေး (ဓါတ်ပုံအမှတ်-3A ) ဆုံးဖြတ်ချက်အရ သံလွင်အနောက်ခြမ်းဒေသ လွတ်မြောက်ရေးနယ်မြေထူထောင်ရန်ဖြစ်သော်လည်း မွန်နှင့် နယ်မြေပြသနာ အခွန်အကောက်ပြသနာ ဖြစ်ပြီး တဖက်နှင့်တဖက် ပစ်ခတ်ရသည်အထိ
ဖြစ်နေသောကြောင့် သံလွင်အနောက်ချမ်းဒေသကို လက်မထည့်ဖြစ်ခြင်းဖြစ်သည်။
၁၉၈၈ခုနှစ် ၊စက်တင်ဘာလသို့ရောက်မှ ကေအင်ယူတပ်မဟာ(၇) ၊ အထူးတပ်ရင်း(၁၀၁) (၁၀၂)နှင့် တပ်မဟာ(၆)အင်အားစုအချို့စုပေါင်းထားသော တိုက်ခိုက်ရေးအင်အား စု(၁၀၀၀)ကျော်၏ မဲသဝေါဒေသစစ်ဆင်ရေးကို တပ်မဟာမှူး ဗိုလ်မှူးးကြီးထိန်မောင်ဦးစီး အထူးတိုက်ခိုက်ရေး စစ်ကြောင်း ၂ ခု စစ်ကြောင်း(၁) မှူး ကား ဒုမှူးကြီး စောဂျော်နီ စစ်ကြောင်း(၂)မှူးကား စောဂျော်ဖြူဦးစီးပြီး ဖြတ်တောက်ရေး စစ်ကြောင်းဖြစ်သည်။
၎င်းတို့နှင့်အတူ ပြင်သစ်နိုင်ငံသားစစ်အကြံပေး (၄)ဦးပါဝင်လျက်..။ ထို့ပြင် တဖက်နိုင်ငံတွင်း ထိုင်းထပ်များမှ အမေရိကန်လုပ်ဂျမ်ပါများကို အသုံးပြုကာ လက်နက်ကြီးရှိရာအရပ်ကို ထောက်လှမ်းပစ်မှတ်ရှာ သတင်းပို့ပေးရန်လည်း သဘောတူညီထားသေးသည်။
သောင်ရင်းမြစ် အရှေ့ဘက်ခြမ်းယိုးဒယားနိုင်ငံအတွင်းတွင် ကားတန်းများဖြင့် ခဲယမ်း ရိက္ခာများ စစ်ဆင်ရေးကာလတလျောက် နေ့ည အဆက်မပြတ်ပို့ပေးကာ အပုံလိုက်ထားပေးထားသည်ဟုလည်း မှတ်တမ်းများအရသိရသည်။(ပုံအမှတ်-4A)
စက်တင်ဘာ လ(၂၆) နံနက်(၁)နာရီ ခလရ(၇၆) တပ်ခွဲ(၁) မှအရာရှိစစ်သည် (၁၈)ဦးအင်အားရှိသော အံ့ကျော်ကုန်းကို စတင်တိုက်ခိုက်သည်။၈၂ မမစိန်ပြောင်းကြီး များRPG လောင်ချာများပစ်ခတ်ကာ နာရီဝက်အတွင်း စခန်းပေါ် ဖိတက်နိုင်ခဲ့သည်။
တိုက်ပွဲဖြစ်သည်နှင့် ပွိုင့် ၁၇၇၈ မှလှုပ်ရှားတပ်ခွဲ(၂)နှင့် တပ်စု(၂)စုသည် ချက်ချင်း အံ့ကျော်ကုန်း အား တက်ရောက်ကာ စစ်ကူ လိုက်သော်လည်း ဂျော်ဖြူ၏ ဖြတ်တောက်ရေးစစ်ကြောင်းမှ ဖြတ်တောက် တိုက်ခိုက်မှုကြောင့် ဆုတ်ခွါပီး စက(၁)ဌာနချုပ်သို့ ပူးပေါင်းခဲ့ရသည်။
-
စစ်ဗျူဟာအရေးကြိး မြေများဖြစ်သော အံ့ကျော်ကုန်း နှင့် ပွိုင့် ၁၇၇၈ အားစွန့်လွှတ်လိုက်ရချိန်တွင် အကာကွယ်မဲ့ အနေထားသို့ ရောက်ရှိသွားသော ခလရ(၇၆) စစ်ကြောင်း(၁)ဌာနချုပ် ကဆာနလီတောင်ကြောကြီးသည် တပ်မှ၆၀မမတချက်ပစ်လျှင် ကေအန်းန်ယူထိုးစစ်ကြောင်းက ၈၂မမ ၁၀ချက်မက ပြန်ပစ်ခံရသည့် အနေအထားတွင်လည်းကျရောက်နေသေးသည်။
-
တိုက်ပွဲစတင်သည့် (၂၆)ရက်နေ့မှစတင်ကာ ကေအန်းန်ယူသည် တစ်ရက်လျင် လက်နက်ကြီး အချက်(၃၀၀)အထိပစ်ခတ်နိုင်ပီ့း ၅ (ပွိုင့်ဖိုက်)စက်သေနတ်ကြီး အချက်(၅၀၀)မှ(၁၀၀၀)ထိ ပစ်ခတ်လျက် RPG များမှ အစုလိုက် အပြုံလိုက်တန်ပြန်ပစ်ခတ်သည်။ ပစ်အားကားကြောက်ခမမ်းလိလိ အံ့ကျော်ကုန်း ပွီုင့် ၁၇၇၈ ကုန်းများပေါ်မှ ပစ်ခတ်လိုက်သော့ ၅ စက်ကြီး ၏ မီးကျည်တန်းများကားတ၀င်းဝင်း .. ။(ပုံ 5B)
တောင်သုံးလုံးတောင်ကြောမှ အံ့ကျော်ကုန်းထိ ဆက်သွယ်ရေးမြောင်းရှည်ကြီးအား ၂၇ ရက် ၂၈ ရက်နေ့များတွင် အပြီးတူးဖော်နိုင်ပီး ထို ကတုတ်မြောင်းမှတဆင့် လူ လက်နက်ခဲယမ်းများအား အံ့ကျော်ကုန်းနှင့် ပွိုင့် ၁၇၇၈ သို့ တောက်လျောက်ဖြည့်တင်းလျက်ရှိသည်။ မဲသဝေါမြောက်ပိုင်းဒေသကြီးတစ်ခုလုံး အင်အား ၁၅၀၀ နှင့် ပြည့်နှက်နေသည်။
၇၅မမ နောက်ပွင့် ၄လက် ပစ်ခတ်သည်။ ၈၂မမ စိန်ပြောင်းကြီး ၆လက် ၅၇ မမနောက်ပွင့်များ ၆၀ မမ စိန်ပြောင်းများ -့ ၅ စက်သေနတ်ကြီးများ ၃့.၅ လက်မလောင်ချာများ RPG လောင်ချာများ အမ် ၇၂ တစ်ခါသုံးတင့်ဖျက်လောင်ချာများ အမ် ၇၉ ဗုံးပစ်လောင်ချာများ အရေအတွက် မခန့်မှန်းနိုင်အောင် ဖောချင်းသောချင်း ပစ်ခတ်နေသည်။
-
ခလရ(၇၆)တပ်ရင်းမှူး ဒုတိယဗိုလ်မှူးကြီးသီဟသူရ ကျော်ညွန့်သည်မိမိအပါအ၀င် ၂၂၀ ခန့် လက်နက်ကြီး အနေဖြင့်လည်း ၇၅မမ နောက်ပွင့် ၁လက် ၈၁မမ စိန်ပြောင်းကြီး ၂လက် ၆၀မမ ၂လက်နှင့် ၈၄မမ ကားဂူးစတက် လောင်ချာကြီး ၁လက် လက်ကျန်ကျည်ကား၁၅ တောင့် သာရှိသည်။အခြားခဲယမ်းကလည်းနည်းပါးလွန်းလှသည်။
ကဆာနလီတောင်ကြောသည် မတ်စောက်သောတောင်ကြောကြီးဖြစ်သည်။ကေအန်းန်ယူသည် ၀ါးလှေကားဝါးလုံးများယူကာ ထောင်တက်ကြသည်။ ကြိုးများအသုံးပြုကာတက်သည်
ကဆာနလီကြောသာမကတစ်ပြိုင်နက် ဒုတပ်ရင်းမှူး ဗိုလ်မှူး ထွန်းမြင့်၏ မဲသဝေါ ပင်မကုန်းအား ဂျော်ဖြူ စစ်ကြောင်းမှ အင်အား ၅၀ က ပိုင်းဖြတ်တိုက်ခိုက်သည် ရည်ရွယ်ချက်ကား ကဆာနလီအားစစ်ကူ မပေးနိုင်ရန်။
-
၁၉၈၈ ၏ မြန်မာပြည်အခြအနေကား မြို့ပေါ်တွင်လည်း မီးခိုးလုံးများ မင်းမဲ့စရိုက်များ တိုင်းရင်းသား ဒေသများတွင် သေနတ်သံ ဗုံးသံတညံညံ။
အောက်တိုဘာလ(၅)ရက်နေ့ အမှတ်(၇၅) ခြေလျင်တပ်ရင်းသည် စစ်ကူပေးရန်ချည်းကပ်လာသော်လည်း ဂျော်ဖြူ က ဖြတ်တောက်ထားသဖြင့်ရှေ့မတိုးနိုင် တပ်မ(၄၄)၏ အမှတ်(၃)ခြေမြန်တပ်ရင်း စစ်ကူတက်သော်လည်း ချောင်းရေတက်သဖြင့်ခရီးမတွင်။ ခလရ ၇၆ တပ်ရင်းမှူးက ဒဏ်ရာအပြင်းအထန်နှင့် ကွပ်ကဲဆဲ။
-
အောက်တိုဘာလ(၆)ရက် နံက်ပိုင်း တပ်ရင်းမှူး တိုက်ပွဲဝင်ရင်းကျဆုံးသည်။ သတင်းကိုလျှို့ဝှက်ထားပီး ဆက်ခံသည်။ နေ့လည်ပိုင်းတွင် ဖြတ်တောက်မှုခံထားရသောစစ်ကူ ခလရ(၇၅) စစ်ကြောင်း(၂)နှင့် တပ်ခွဲ(၃)ခွဲသည် ဖောက်ထွင်းကာ ကဆာနလီ တောင်ကြောကြီးသို့
ရောက်ရှိလာသောကြောင့် အင်အား၄၀၀ ကျော် လောက် ဖြစ်လာသည်။
-
အောက်တိုဘာ၆ရက်နေ့တစ်နေ့လုံး လက်နက်ကြီးမျိုးစုံဖြင့်ပစ်ခတ်လျက်ရှိရာ ဘန်ကာများအားလုံး ပြိုကျကုန်သည်။ သစ်ပင်တစ်ပင်မှမရှိတော့ ကဆာနလီသည်ထယ်ထိုးထားသောတလင်းပြင်ကဲ့သို့ ဖြစ်နေချေပြီ။
၇ရက်နေ့ နံနက် မင်္ဂလာဒုံလေတပ်တပ်စခန်းဌာနချုပ်အမှတ် (၁) တိုက်ခိုက်ရေးအုပ်မှ PC-9 တိုက်လေယာဉ်၎ စီး အကူလာသော်လည်း ရာသီဥတုကြောင့် တိုက်လေယာဉ်များ ၏ တိုက်ခိုက်မှုသည်စွမ်းအားပြည့်မရ။
-
၇ရက်နေ့နှင့် ၈ရက်နေ့များတွင် ပို့ဆောင်ရေးလမ်းကြောင်းအား ဖြတ်ထားသော
ဂျော်ဖြူ၏စစ်ကြောင်းအား တိုက်လေယာဉ်များမှ ဗုံးကြဲစက်သေနတ်ပစ်သော်လည်း ရာသီဥတုကန့်သတ်ချက်များကြောင့် အပြည့်အ၀ မထိရောက်ချေ။
-
တိုက်ပွဲမှာ နိုင်ငံခြားစစ်အကြံပေးတို့ ၏ နည်းနာများအတိုင်း ပစ်အားနှင့်ဖိကာ ကျည်ရောက်လူရောက် တိုက်စစ်ဆင်သည်။ လက်ပစ်ဗုံးပစ်ခတ်မှုများ ပြားလှသဖြင့် စစ်သည်များသည် လေတွင်ဝဲလာသောလက်ပစ်ဗုံးများအား စောင်ကြားများခံကာတန်ပြန် ပစ်ခတ်သောစနစ်ကို စစ်ဇတ်ကားရိုက်သော ဒါရိုက်တာအကျော်ဒေးယများပင် စဉ်းစားမိမည်မထင်။
နောက်ဆုံးတွင် မဲသဝေါ ပင်မကုန်းသို့ဆုတ်ခွာရန်ဆုံးဖြတ်လိုက်ကြပီး ညနေ(၅) နာရီတွင် ကဆာနလီမှခွာစစ်ဆင် လာသောတပ်ဖွဲ့အားလုံးမဲသဝေါပင်မကုန်းသို့ ရောက်ရှိ သွားသည်။
အောက်တိုဘာ ၁၃ရက်နေ့တွင်ကေအန်းန်ယူသည် မောရလီနှင့် မဲသဝေါ အား လက်နက်ကြီး အလုံး (၃၀၀) ကျော်ပစ်သည်။ တပ်မဟာ(၇)တစ်ခုလုံး ဗဟိုလုံခြုံရေးတပ်ခွဲများ အထူးတပ်ရင်း (၁၀၁) (၁၀၂) ဒီအိုတပ်ရင်းများ တိုက်ခိုက်ရေးစစ်ကြောင်း(၁)(၂) မူဆလင် လွတ်မြောက်ရေး အင်အားစု များအပြင် မဒတ မှကေအိုင်အေတပ်ရင်းအချို့ပါပါဝင်လာခဲ့သည်။

နေ့စဉ်လက်နက်ကြီးပစ်ခတ်မှုများကြားထိုးတိုက်ခိုက်မှုများကြားမှပင် ကြံ့ ခံရင်း အောက်တိုဘာ (၂၃)ရက်နေ့သို့ရောက်ရှိလာခဲ့ချေသည်။ ၂၃ရက်နေ့ညနေပိုင်းတွင် မဲလဒေသတွင်တာဝန်ယူထားသော ခလရ(၇၅) စစ်ကြောင်း(၁)သည် မောရလီသို့ရောက်ရှိလာကာ ခံစစ်နေရာများအားလဲလှယ်ပေးနိုင်ခဲ့သည်။
လက်နက်ခဲယမ်းများ ရိက္ခာများပြန်လည်ဖြည့်တင်းနိုင်ခြင်းနှင့်အတူ တပ်အသစ်များ ရောက်ရှိ လာသဖြင့် တိုက်စွမ်းရည်တက်လာသည်။ ထို့အတူကေအန်းန်ယူမှာလည်းလူအင်အား၊ လက်နက်အင်အား ၊ ရိက္ခာ များကိုအဆက်မပြတ်ဖြည့်တင်းလျက်ရှိသည်။
နှစ်ဖက်အခြေအနေနှင့် တိုက်ပွဲအရှိန်ပေါ်လွင်စေလိုသောကြောင့် ဖိရေးမိသောကြောင့် စာလည်းရှည်ပြီ ပြောခြင်သည်က တဘက်နဲ့တဖက် ဘယ်သူသာသာ ဘယ်သူနာနာ အဆုံးတွင် တိုင်းပြည်သာနာသည်။
-
မဲသဝေါ၏ အောက်တိုဘာ (၂၃)ရက်နေ့အခြေအနေနှင့် တချိန်တည်း မြိုပေါ်က စစ်ပွဲကြောင့် တိုင်းရင်းသားဒေသများသို့ ရောက်လာသော အရပ်ရပ်မှ လူငယ်ကျောင်းသားများမှာ တိုင်းရင်းသားဒေသ အသီးသီးတွင် စုစုပေါင်း ၁၁,၃၂၂ ဦး ရှိနေလေပြီ။ (ပုံ- 5c) (ပုံ- 5d) တိုင်းပြည်ကား နာပီးရင်း နာလို့မဆုံးနိုင်။
၁၉။နိုဝင်ဘာလ၁၉၈၈ မှာ DAB ခေါ် မြန်မာနိုင်ငံ ဒီမိုကရက်တစ် မဟာမိတ်အဖွဲ့ချုပ်ကို စစ်အာဏာဆန့်ကျင်ရေး အထွေထွေညီလာခံတက်ရောက်လာတဲ့ အဖွဲ့ ၂၂ဖွဲ့နဲ့ ဖွဲ့စည်းခဲ့ပါတယ်။
ဒီအေဘီစစ်ကြောင်းများ လှုပ်ရှားကြတဲ့အခါ ၈၈ရဲ့ လက်နက်ကိုင်ခြင်း စစ်ပွဲတွေက ဆက်ကြပြန်ပါတယ်။
တပြိုင်နက်ထဲမှာ မြို့ပေါ်က စစ်ပွဲများဟာ တောထဲရောက်သူရောက် ထောင်ထဲရောက်သူရောက်ကြပေမဲ့ စစ်အစိုးရရဲ့ ရွေးကောက်ပွဲဝင်ပီး ဥပဒေဘောင်တွင်းက တိုက်ပွဲကို ခြေလမ်းပြင်သူတွေနဲ့ သူလည်းသူ့အလျောက်
အခုအထိ အဆုံးသတ်တဲ့အထိမရောက်သေးပါဘူး။
-
ဓါတ်ပုံများမှာ KNU ၏ မှတ်တမ်းဓါတ်ပုံများဖြစ်ပါသည်